Fondo Europeo de Desarrollo Regional (FEDER)

Unha maneira de facer Europa

Liña de actuación 07

MELLORA DA EFICIENCIA ENERXÉTICA NAS INSTALACIÓNS DEPORTIVAS MUNICIPAIS URBANAS

NECESIDADES

No concello de Lalín existen múltiples instalacións deportivas urbanas que debido aos seus amplos horarios de funcionamento e á intensidade do seu uso provocan elevados consumos. Algunhas destas instalacións contan con sistemas renovados tanto de calefacción como de auga quente sanitaria (caldeiras eficientes, biomasa, etc.) como para a iluminación (sistemas de acendido/apagado intelixentes, lámpadas de baixo consumo), pero é necesaria unha renovación máis profunda para acadar a eficiencia enerxética desexada.
Por outra banda, a envolvente térmica dalgunhas das edificacións pechadas, así como os seus sistemas de illamento e control de caudal, presentan graves deficiencias derivadas do paso do tempo, polo que hai suficiente marxe de mellora para corrixilas mediante a adopción das últimas técnicas e tecnoloxías existentes actualmente no mercado.
A actuación proposta céntrase nas principais instalacións deportivas municipais. Estas instalacións son utilizadas diariamente por unha media de 2.150 persoas dende as 07:45 ata as 22:45.
Nos centros pechados, a actuación está dirixida a melloras na envolvente térmica/illamento e a completar a renovación dos sistemas de iluminación para contar plenamente con elementos de control intelixente e consumo enerxético de Clase A.
Na instalación aberta procederase á mellora e renovación da iluminación, dotándoa dun sistema de telexestión.

OBXECTIVOS

Esta operación está enfocada á procura dun consumo enerxético sostible, co obxectivo de mellorar a eficiencia enerxética das instalacións municipais, contribuíndo á diminución do consumo enerxético. Polo tanto, os principais obxectivos da operación son:

Reducir o consumo enerxético municipal.
Optar por un sistema enerxético público sostible.
Adaptación tecnolóxica do concello.

RESULTADOS

Con esta liña de actuación prevese unha mellora do consumo enerxético nas instalacións deportivas municipais, e concretamente:

Mellora do illamento e das envolventes térmicas dos edificios deportivos.
Redución do consumo de enerxía eléctrica.
Optimización de ambos os dous tipos de consumo mediante a instalación de elementos intelixentes de control de consumo.

Datos

inversión total
183.935,94 €

FEDER
147.148,75 €

concello
36.787,19 €